بجد بجد الواحد بيفرح جدا بالمطرة ويا سلام بقي لما يكون برق ورعد وصوت مجلل في السما .. بتقول يااااه ربنا لراضي عنا ومن خيره بيدينا ويزودنا خير علي خير .... والله بقي لما تمطر تلج في مصر .. ده ايه الجمال والروعة دي ... كنا فرحانين ومبسوطين أوي أوي وواقفين في وسط الشارع نستمتع بالتلج والمطرة اللي يمكن ما تحصلش تاني في بلدنا ....
بعد الحوار ده بيومين .. نزلت وسط البلد مع واحد صاحبي نستمشي ونستعشي ... واحنا في شارع طلعت حرب .. استفزني منظر قذر أوي ... منظر يضايق .. يخليك عايز تشتم او تعلي صوتك ...
المنظر: عربيات راكنة جنب الرصيف ومابه المطرة متجمعة كلها علي ناحية واحدة من الطريق لأنه أقل ارتفاعا من وسطه ... والميه بتعالي زي الموجة لما عربية تعدي في وسط الشارع لدرجة انها طلعت فوق الرصيف كمان !!! ... منظر بقي ان تلات تربع كوتش العربية اللي راكنة مغمور تحت الميه ... ده ايه ده .. ايه المنظر البشع ده ... فين المصارف والبلاعات ومواسير صرف الامطار.. ده غير كمان ان بعد كدة حتبقي الميه ديه طين وعجين وقرف !!
الناس تطلع وتنزل ازاي من علي الرصيف ؟؟ والناس اللي عربياتها مركونة، تركبها ازاي .. والناس اللي عايزة تمشي علي الرصبف، تمشي ازاي !! ؟؟؟
الموقف استفزني جدا فعلا.. وقلت مين المسئول عن الكلام ده ؟؟؟
المفروض اصحاب المحلات يعني ينضفوا قدامهم بعد المطرة؟؟!!!؟؟ ولا ايييييه ؟؟
تعبنا وضاق بيما الحال ... يا ترحمونا يا تسبونا في الحال!!
هي مسؤولية اللي خطط فعلا جوانب الشارع لازم تبقى أقل ارتفاعا من وسطه عشان المية تتجمع على الجوانب بس ده في حالة وجود مصارف
ردحذفاو على الاقل سيارات لشفط المياه وده مش موجود وده برضه مش موجود ..اذن فالجردل هو الحل
ماهي المشكلة ان كل واحد بيرمي المسئولية علي التاني .. كل واحد يقول اصحاب المحلات حتشيل الميه، وبتوع المحلات يقولو شركة الزبالة حتشيل الميه .. وبتوع الزبالة يقولو حيوانات الشوارع الضالة حتشرب الميه ... ولنا الله !!!
ردحذف